संक्षिप्त परिचय

नेपालको सुदूरपश्चिम क्षेत्रमा स्थित पाटन नगरपालिकाको स्थापना एउटा दीर्घकालिन सोच “व्यवसायिक, औद्योगिक तथा बहुसांस्कृतिक समुन्नत नमुना शहर पाटन” का साथ २०७१/०८/१६ सालमा महाकाली अञ्चलको बैतडी जिल्लाको पाटनमा भएको हो र मिति २०७१/०८/१६गते देखि नै पाटन नगरपालिका हुन गएको हो । यो समुद्री सतहदेखि २४३९ देखि ६९३६ मि. को उचाइँमा र काठमाडौँ देखि ८३३.३ कि. मि.को दूरीमा स्थित रहेको छ । पाटन नगरपालिकामा कूल १० वडा रहेका छन् । २१९.२६ वर्ग कि.मि.को क्षेत्रफलमा फैलिएको पाटन नगरपालिकाको भु–आकृतिक स्वरुप करिब मध्य पहाडी र पहाडी भूभाग रहेको छ भने यसको पूर्वमा सिगास गाउँपालिका , पश्चिममा द.न.पा / मे.न.पा , उत्तर मा सुर्नाया गा.पा / दोगाडा केदार र दक्षिणमा डडेल्धुरा जिल्ला रहेको छ । यसको शालाखाला अधिकतम तापक्रम ३७- ४० डिग्री र न्यूनतम तापक्रम चिसो मौसम मा २ डिग्री सम्म रहेको पाइन्छ । साल २०६८ को तथ्यांक अनुसार यस नगरपालिकाको कुल जनसंख्या ३०४३५ रहेको छ भने यस क्षेत्रको जनसंख्या वृद्धिदर १.३५ अनुमानित गरिएको छ । प्रमुख चाडपर्व स्थानीय स्तरमा बसोबास गर्ने विभिन्न जात जाती तथा समुदायका मानिसहरुको बसोबास रहेको यस क्षेत्रमा विभिन्न चाड पर्व मनाउने गरिन्छ । जस्तैः दशैं, तिहार, माघि, होली, गौरा, औल्के, मागे संक्रान्ति, कृष्ण जन्माष्टमि, बकर इद, उल इद फितर, आइतबारी, छठपर्व, बुद्ध जयन्ती, क्रिष्मस यहाँका प्रमुख चाड पर्वको रुपमा रहेको पाइन्छ ।

स्थापना : २०७१/०८/१६ साल

भौगोलिक अवस्थिति कूल क्षेत्रफलः २१९.२६ बर्ग कि.मि.

काठमाण्डौं देखि को दुरीः ८३३.३ कि. मि.

समुद्री सतहदेखि उचाइँ : २४३९ देखि ६९३६ मि.

२०६८ को तथ्यांक अनुसार जनसंख्या जम्माः ३०४३५

राजनैतिक बिभाजन : बिकास क्षेत्र सुदूरपश्चिम, अंचल महाकाली , जिल्ला बैतडी,

प्रदेश संसदीय निर्वाचन क्षेत्र संख्या : २

प्रतिनिधिशभा निर्वाचन क्षेत्र संख्या : १

वडा संख्या : १०

सिमाना पुर्वः सिगास गाउँपालिका, पश्चिममा : द.न.पा / मे.न.पा , उत्तरः सुर्नाया गा.पा / दोगाडा केदार दक्षिणः डडेल्धुरा जिल्लाको सिमाना